Clásicos do cinema mudo

As sesións terán lugar o próximo sábado ás 20.30 horas e o domingo ás 18 horas e nelas presentaranse os clásicos «Viaxe ao paraíso», do actor e director Harold Loyd, «Unha semana» de Buster Keaton e sketchs e trucos visuais propios desta época. Todo isto estará aderezado cun acompañamento musical en directo, a medio camiño, segundo apuntan os seus organizadores, «entre a improvisación e a comicidades explícita dos efectos sonoros». A obra narra a historia dos irmáns Lumieira, fillos dun galego emigrado a Francia a finais do século XIX. Será o actor Carlos Meixide o encargado de interpretar o papel protagonista, ao poñerse na pel do irmá maior. Xunto aos seus irmáns, trasladarase a Galicia para transportar nos seus caixón a que deron en denominar «maxia do cinematógrafo».

Por outra banda, hoxe venres chegará á cidade de Santiago de Compostela a mostra itinerante de Cine Europeo en Ruta coa proxección do filme «Hombre», do francés Yann Arthus-Bertrand. Baixo o lema «Nuestro cine da que hablar», o ciclo cinematográfico incluirá, unha vez concluida a proxección da película, un coloquio sobre ostenibilidade no que participarán os eurodeputados Francisco Millán (PP), Antolín Sánchez Presedo (PSOE) e Ana Miranda (BNG).

O ciclo continuará o vindeiro sábado día 28 de abril coa proxección das películas «Exit through the gift shop», de Bansky, e con de «El esfuerzo y el ánimo», da directora Arantxa Aguirre.