O Festival Mozart renóvase

Onte presentouse na Coruña a programación do festival Mozart para os próximos meses. Nel participarán figuras de renome como Maxim Vengerovedo e a Massimo Spadano

A. RODRÍGUEZ

18/04/2012
Actualizado a las 11:00h.

O Festival Mozart deste ano quenta motores coa publicación dun calendario de actuacións no que non faltan figuras de renome internacional. Así, a lista de invitados á edición deste ano encabézana nomes como o do violinista ruso Maxim Vengerov ou o director estadounidense Lorin Maazel. ... Será a partires do vindeiro 12 de maio cando os afeccionados á ópera —e aqueles non iniciados que desexen aproximarse a ela— poidan asistir ao primeiro dos concertos previstos, nos que tamén haberá lugar para novas promesas da interpretación a nivel internacional.

En concreto, a programación deste ano, feita pública onte na cidade herculina, contempla un total de 19 concertos cun repertorio no que destacarán as composicións de Mozart e Beethoven, principais eixes desta iniciativa cultural que este ano suma 15 edicións. Ademáis, a programación deste ano sobrepasará as fronteiras da cidade herculina para chegar a outras urbes galegas como Santiago de Compostela e Ferrol.

A edición deste exercicio coincide, ademáis, coa celebración do vinte aniversario da Orquestra Sinfónica de Galicia, que será a encargada de abrir o certame cos dous concertos programados para os días 12 e 13 de maio, nos que o director do conxunto orquestral galego, Víctor Pablo Pérez, dirixirá dous programas sinfónico-corais. O primero deles será a estrea de «Alborada de noite e luz», unha peza firmada polo compositor galego Juan Durán. Do mesmo xeito, o director Lorin Maazel porase por primeira vez ao frente da Sinfónica de Galicia nun concerto que terá lugar o próximo día 17 de maio.

Pratos fortes

Os pratos da programación deste ano chegan da man do violinista e director Maxim Vengerov e do concertino Massimo Spadano, que o 15 de xuño actuarán ante o público galego. Unha semana máis tarde, o 28 de xuño actuará no marco deste ciclo de música clásica o gaiteiro Carlos Núñez.

Pola súa parte, o ciclo de música de cámara, que terá lugar entre o 22 e o 24 de maio, contará coa presenza de novos intérpretes, caso dos directores Pablo Mielgo ou Jordi Bernácer, ou da Orquestra de Nenos da Sinfónica de Galicia. Trátase dunha proposta alternativa dentro do Festival Mozart, no que ao igual que aconteceu en anos anteriores, haberá espazo para outras músicas.

Así, nesta ocasión Michael Nyman interpretará a banda sonora que o autor británico ideou para a película «El hombre de la cámara», que se proxectará de maneira simultánea na sesión que se ofrecerá o mércores 30 de maio no Palacio da Ópera da Coruña. O director do Festival destacou tamén a «aposta» por ampliar a presenza de público e puxo como exemplo o concerto en familia que haberá o 26 de maio coa presenza da compañía.

Durante a presentación, a teniente de alcalde de Cultura do concello da Coruña, Ana Fernández, e o director do Festival, Andrés Lacasa, presentaron esta nova edición, que verá reducido o seu presuposto debido á crise económica o que, por primera vez, fará que toda a aportación «proceda do Consorcio para a Promoción da Música», indicou Lacasa en referencia ao recorte da financiación privada. Non obstante, tanto a edil de Cultura como o director do Festival incidiron en que se manterá «a calidade» e se dará cabida «aos directores máis novos e aos máis consagrados», apostilou Ana Fernández.