O médico Julio Montes presenta un libro de poesía «moi íntimo»

A súa dona fíxose cargo das imaxes «incandescentes» das que fala esta obra

S. C.

18/12/2011
Actualizado a las 02:11h.

Medio cento de persoas asistiron á presentación do libro «Figuras que tallaron mi alma y un relato mítico», de Julio Montes Santiago, especialista en medicina interna. A obra está ilustrada con gravados da súa muller, Yolanda Carbajales Ferreiro, que á súa vez inaugurou unha exposición ... cos debuxos na sala de mostras da Casa da Cultura de Brión.

Un acto que estivo presidido polo alcalde de Brión, Xosé Luís García, quen destacou que «pouco a pouco imos tendo máis sitio para a cultura e as artes en Brión. É un orgullo e unha honra ter esta sala de exposicións e que Yolanda e Julio escolleran Brión para presentar este libro e esta exposición». Un libro que foi presentado polo director da Biblioteca de Galicia, Daniel Buján, quen explicou que «los libros más hermosos y atractivos son grandes libros ilustrados porque hay una confluencia entre el texto y los grabados que los hacen dar un paso por encima de lo que son por sí solos. Dos artes independientes que, al confluir, se convierten en un arte diferente, en algo que trasciende un poco más».

Pola súa banda, Julio Montes comentou que «son malos tiempos para la lírica, porque todo parece girar en torno a la economía y la crisis. Por eso no está de más hablar de poesía. Si sólo nos miramos los zapatos veremos el agujero más negro y la depresión será más desesperada». Montes Santiago sinalou que o seu libro «refleja imágenes incandescentes que quedaron en mi alma y fueron reflejadas por Yolanda». Asegurou que esta obra íntima «aspira a que, quien lea estas cosas que me llamaron la atención pueda entrar en resonancia con un ser humano que le habla a otro ser humano».

Finalmente, Yolanda Carbajales foi moi breve na súa intervención, «pues la oratoria no es lo mío», e agradeceu a colaboración do Concello de Brión para a realización desta exposición. «Siempre fui muy bien recibida en Brión, es casi como estar con los cuadros colgados en el salón de mi casa». Así mesmo, Yolanda Carbajales desvelou que ese venres 16 de decembro era o cumpreanos do seu home, Julio Montes, a quen os artistas e amigos presentes no acto de inauguración lle cantaron «Las mañanitas» e recibiu un agasallo por parte das dúas fillas da parella.

A mostra poderá ser visitada ata o vindeiro 20 de xaneiro de 2012, en horario de 19.00 a 21.00 horas de luns a venres. O libro «Figuras que tallaron mi alma y un relato mítico», editado por La Ibérica, conta cunha presentación de Daniel Buján e foi deseñado polo pintor afincado en Brión Xosé Vázquez Castro. A portada do traballo é un gravado que preside a exposición titulado «Los amantes del río Pego», o cal é mostra da profunda relación tanto de Montes como de Carbajales con Brión, a pesares de residiren en Vigo, onde Julio traballa como médico.