Ciencia

Ciencia / POLÍTICA LINGÜÍSTICA

A lingua galega mailo inglés estreitan lazos a través dos alumnos

Día 14/05/2011

Alumnos e alumnas que estudan lingua e cultura galegas no IE Cañada Blanch de Londres participan estes días nun programa de estadía en Galicia que ten como obxectivo prioritario servir de reforzo á súa actividade académica nesta materia. O conselleiro de Educación e Ordenación Universitaria, Xesús Vázquez, e o secretario xeral de Política Lingüística, Anxo Lorenzo, recibiron onte pola mañá aos estudantes e dous profesores do centro de ensino, nun acto que tivo lugar na sede da secretaría xeral, en Santiago de Compostela. Ademais dos 65 alumnos e alumnas que no curso 2010-2011 estudan galego no IE Cañada Blanch de Londres, Xesús Vázquez recordou que grazas ao traballo da Consellería de Educación a lingua propia de Galicia está presente noutros centros que imparten ensino regrado fóra da Comunidade. É o caso, no estranxeiro, do colexio Castelao de Caracas e do centro Santiago Apóstol de Bos Aires.

Dentro do Estado español, a secretaría xeral tamén aposta pola difusión e o recoñecemento do galego a través dos centros que forman parte do proxecto «Galauda», que se desenvolve en Cataluña, ou dos que, grazas ao Protocolo de Colaboración entre Galicia e Castela e León, ofrecen aulas de galego e en galego nas comarcas do Bierzo e de Sanabria.

Amor pola lingua

O secretario xeral transmitiulles aos estudantes o seu desexo de que, «aprendendo galego, contribúades a cultivar e transmitir o cariño polas linguas e culturas que non son as vosas, porque na valoración e no recoñecemento do plurilingüismo, e da multiplicidade de culturas, está o camiño desta Europa da que formamos parte». No remate do acto, unha das alumnas, en representación dos seus compañeiros e compañeiras, agradeceulle á Consellería de Educación o seu esforzo por facer posible que, desde Londres, poidan continuar afondando no seu coñecemento sobre a lingua e a cultura galegas.

Durante estes días de estadía en Galicia, os alumnos e alumnas de galego do IE Cañada Blanch teñen ocasión de visitar algúns puntos da Comunidade de interese cultural e de participar en actividades que promovan o seu contacto co galego para que, deste xeito, melloren a súa competencia lingüística. O instituto Cañada Blanch de Londres oferta a optativa de lingua e cultura galegas desde o ano 1992.

Búsquedas relacionadas
  • Compartir
  • mas
  • Imprimir
publicidad
Consulta toda la programación de TV programacion de TV La Guía TV

Comentarios:

Sigue ABC.es en...

Investigadores insisten en la existencia de la primera supertierra descubierta en zona habitable, rechazada por otros estudios
José Manuel Nieves Encuentra aquí todos los vídeos del blog que te explica las noticias científicas
    Retos que ponen a prueba nuestra capacidad para el pensamiento lateral
    Lo último...

    Prueba los nuevos juegos web

    Copyright © ABC Periódico Electrónico S.L.U.