CINCO PRODUCIÓNS ENTRE ABRIL E MAIO
NCG inaugura na Coruña un programa de abonos do Colón
R. S. C.
Novacaixagalicia inaugura este mes un programa de abono para cinco espectáculos escénicos no coruñés Teatro Colón, unha opción que supón un desconto do 10% sobre o prezo de cada función. O abono, que se pode adquirir na sede da Fundación Caixa Galicia no Cantón ata ... o 9 de marzo, inclúe algúns dos grandes éxitos do teatro galego e as mellores producións da actualidade escénica estatal, cun cartel que vai de abril ao mes de maio.
O ciclo comezará coa «Memoria das memorias dun neno labrego», o monólogo adaptado, dirixido e narrado por Cándido Pazó e baseado no referencial libro de Neira Vilas, que subirá ao escenario do Colón o vindeiro 14 de abril.
Tomará o relevo, o día 28 dese mesmo mes, «Todos eran mis hijos», un texto do xenial dramaturgo norteamericano Arthur Miller dirixido por Claudio Tolchair e protagonizado, entre outros, por Carlos Hipólito.
A continuación, o día cinco de maio, regresará ao espazo coruñés o teatro feito en Galicia con «Pelos na lingua», de Talía Teatro, un espectáculo dirixido por Avelino González e interpretado por Artur Trillo, Toño Casais e María Ordóñez.
«La sonrisa etrusca», de José Luis Sampedro, é a obra que terá lugar a continuación, o día 12 de maio. Héctor Alterio e Julieta Serrano encabezarán un reparto nesta obra dirixida por José Carlos Plaza.
Pechará esta primeira temporada de abono o 21 de maio un clásico da literatura mundial, «Un tranvía llamado deseo», de Tenesse Williams, con dirección de Mario Gas e un elenco formado por Vicky Peña, Roberto Álamo e Ariadna Gil.
Esta funcionalidad es sólo para suscriptores
Suscribete
Esta funcionalidad es sólo para registrados
Iniciar sesiónEsta funcionalidad es sólo para suscriptores
Suscribete