PROGRAMACIÓN
Pepón Nieto e Anabel Alonso presenta obra no Teatro Colón
O Teatro Colón acollerá este venres e sábado ás 20.30 horas, a representación da obra de teatro «Sexos», protagonizada por Adriana Ozores, Anabel Alonso e Pepón Nieto. A comedia, un texto de Xavier Bertrán dirixido por Pep Antón Gómez, aborda en clave de humor os líos de parella, as infidelidades e o moito que o sexo é capaz de facer sufrir e reír. Sobre o escenario estarán tamén Neus Sanz e Federico Celada, que completan o elenco da obra, que se enmarca na programación de Novacaixagalicia. Líos de parella e infidelidades danse cita nesta historia de vidas cruzadas que se desenvolve a través dunha posta en escea minimalista, deseñada por Iluc Castells. A idea de fondo é que os actores se enfronten ao público, libres de ornamentos e decorados. Unha complicación engadida que a nómina de protagonistas resolveu con maestría ao tenor das cifras de asistencia obtidas en Madrid. Conta coa música orixinal de Pere Hernández.
Esta funcionalidad es sólo para suscriptores
Suscribete
Esta funcionalidad es sólo para suscriptores
Suscribete