E. P.
SANTIAGO. O Consello da Cultura Galega inaugurou na sede do Instituto Cervantes de Salvador de Bahía (Brasil) a exposición «Galicia, o sorriso de Daniel». Ó acto, acudiron o presidente da Xunta, Emilio Pérez Touriño, e o do CCG, Ramón Villares, acompañados do director do devandito centro, Luis Moratinos.
A mostra organizada dunha forma fundamentalmente visual e que busca a interactividade do espectador, ten como referente as figuras do profeta Daniel del Pórtico da Gloria, e Daniel Castelao, autor de «Sempre en Galicia». Foi estreada en 2004, no marco do Fórum das Culturas en Barcelona, e o seu obxectivo, ademais de dar a coñecer o pasado en Galicia, é amosar a realidade e a diversidade da cultura galega nas súas distintas e múltiples manifestacións.
