ABC
SANTIAGO. A Consellería de Medio Ambiente acometerá obras para o saneamento integral do municipio de Ourense por un importe de 6 millóns de euros. As obras estarán financiadas nun 70% pola administración autonómica e nun 30% pola local, segundo se establece no protocolo de colaboración que asinaron o martes o conselleiro, Manuel Vázquez, e o alcalde ourensán, Enrique Nóvoa.
Manuel Vázquez e Enrique Nóvoa analizaron os proxectos que se van realizar no presente ano 2007, que contarán cun investimento de 1.515.000 euros. Estas obras consistirán no abastecemento e saneamento en Palmés e Calvelos, a renovación do alcantarillado e construcción dun depósito regulador en Velle, o abastecemento en A Bouza e Lodeiros e a ampliación da rede de saneamento en A Regata - Mende.
Centro de Interpretación
Manuel Vázquez confirmou que a cidade de Ourense albergará o Centro de Interpretación de Parques Naturais de Galicia, que vai converter á cidade «nun dos grandes referentes do país». Vázquez adiantou que «no mes de marzo» se vai presentar o anteproxecto da obra.
Pola súa parte, o rexidor ourensán, Enrique Nóvoa destacou «o bo entendemento coa Consellería» á hora de estudar estas propostas, e valorou especialmente o compromiso de crear en Ourense o Centro de Interpretación, xa que «a cidade leva feito un gran esforzo en clave medio ambiental», sinalou.
