Misiva dende Exipto

A xornada de inauguración estivo marcada pola ausencia do director da Biblioteca de Alexandría, Ismaïl Serageldin, que —horas antes da súa viaxe a Compostela— enviou unha misiva ao conselleiro de Cultura explicando as razóns da súa cancelación. Nesta carta, que o propio Roberto Varela leu aos invitados na cerimonia de apertura do foro, Serageldin lamentaba non poder contribuír neste «fascinante e oportuno acontecemento» e explicaba que «Exipto está a soportar revoltas e manifestacións masivas (...) ás que a Biblioteca de Alexandría non é inmune e boa parte do seu persoal decidiuse unir ás folgas». Así, este edificio, que cada ano recibe máis dun millón de visitantes «foi pechado e actualmente atopámonos negociando cos agraviados», dixo.